Հունիսի 15-ին ուսումնական այցի երրորդ օրվա առաջին այցելությունը Fojo Media Institute-ն էր, որը հիմանականում զբաղվում է լրագրության զարգացմամբ տարբեր ոլորտներում՝ բնապահպանություն, կրթություն, կառուցողական լրագրություն, մոբիլ լրագրություն,խնդիրներ լուծող լրագրություն և այլն։ Լրագրության բաժինների մի մասը ժամանակավոր է գործում, երբ ավարտվում է իրենց ֆոնդը, իրենք դադարում են այլևս շարունակել իրենց գործը։ Հայաստանում համագործակցում են Մեդիա նախաձեռնությունների կենտրոնի հետ։
Հաջորդ ուղղությունը LSU էր երիտասարդական անձրևանոց կազմակերպություն, որի տակ հավաքված են տարբեր գործառույթներ իրականացնող կազմակերպություններ, ովքեր իրականացնում են մարդու իրավունքների, կրթական, առաջնորդական և այլ ծրագրեր։ Խոստացան կապել մեզ համապատասխան կազմակերպությունների հետ, որ կարողանանք համագործակցել։
Վերջին կազմակերպությունը Fryshuset գիմնազիան է, որն ունի դպրոց, արտադասարանական մի շարք ակտիվ խմբակներ՝ սպորտային, երաժշտական։ Այն ոչ պետական կազմակերպություն է, որը միտված է վատ վարք ունեցող մարդկանց՝ ամենատարբեր տարիքի և հետաքրքրությունների, համար ստեղծել միջավայր ինքնակրթվելու, կրթվելու։ Ֆինանսավորման մի մասը ստանում են քաղաքապետարաններից, որտեղից գալիս են երեխաներն ու մեծահասակները, մի մասը՝ իրենց ծառայությունները մատուցելու շնորհիվ, մի մասն էլ դրամաշնորհների միջոցով։ Շենքի ներսում ունեն ռեստորան, որտեղ մոտակայքում տեղակայված կազմակերպություններ գալիս, ճաշում են։ Սպորտային մրցումներում ունեն շատ գրանցած հաջողություններ։ Հայաստանում համագործակցում են APY ՀԿ-ի հետ։ Մեր ներկայացուցիչ Էլյա Սահակյանը իրենց մարկետինգի թիմի պատասխանատու Raisa Lang Velazco-ի հետ պայմանավորվեց հանդիպել կրթահամալիրում առաջիկա շաբաթվա ընթացքում, երբ Ռաիսան Հայաստանում է լինելու։
Այսօր առաջին կազմակերպությունը, որ հյուրընկալեցինք My Right- Empowers people with disabilities /Իմ իրավունքը՝ հզորացնում է հաշմանդամություն ունեցող մարդկանց։ Այն համարվում է umbrella /անձրևանոց/ կազմակերպություն, որի տակ հավաքվում են այլ կազմակերպություններ։ Իրենց ֆինանսների մեծ մասը ստանում են պետությունից, Sida-յից։ Աշխարհի բնակչության 15% և ավել ունեն հաշմանդամություն, ինչը մեկ բիլիոնից ավել մարդ է և որոնց 80% ոչ բարձր եկամուտ ունեցող երկրներից են։ Կազմակերպությունը գործում է 7 երկրներում։ Այս էջում հատուկ կարիքներ ունեցող երեխաներին ուղղված ծրագրերի օրինակներ են։
Ըստ իրենց կազմակերպության գաղափարախոսության՝ ներառականությունը դժվար չէ, հարկավոր է ․
-սահմանել նպատակներ՝ թիրախավորելով հաշմանդամությունն ու ներառականությունը
-հավաքել տվյալներ, թե ինչպես են հատուկ կարիքներ ունեցող մարդիկ վարվում տարբեր իրավիճակներում
-համագործակցել այլ կազմակերպությունների հետ, ովքեր աշխատում են հաշմանդամություն ունեցող մարդկանց հետ
Հաջորդ կազմակերպությունը FBA – Folk Bernadotte Academy-ն էր, որը զբաղվում է անվտանգային հարցերով։ Այն պետական գործակալություն է, որը տարեկան 50 մլն կրոն է նախատեսում խաղաղաշինական գործունեություն ծավալելու համար։
Հունիսի 13-ից սկսեցին այցելությունները տարբեր կազմակերպություններ։ Այցի ամենակարևոր ու մնայուն նպատակն է կապերի ստեղծումը, ինչի ուղղությամբ և կազմակերպիչները, և մասնակիցները լավ են աշխատում։
Այսպիսով՝ առաջին վայրը, որ այցելեցինք, Sida կազմակերպությունն էր, որի տված դրամաշնորհի օգնությամբ մենք կարողացանք իրականացնել «Դպրոցը որպես համայնքային զարգացման կենտրոն» ծրագիրը։ Մեզ դիմավորեց Իզաբելա Էրիկսոնը, հանդիպմանը ներկա էր նաև Մարիա Բիստերը։ Մարիան ներկայացրեց մեզ Սիդայի գործունեությունը, ենթակառուցվածքները, ռազմավարությունը։ Սիդան Հայաստանում գործել է 2010-ական թթ․, բայց դադարեցրել է իր գործունեությունը Հայաստանում և Ադրբեջանում։ 2018 թ․ նորից սկսել է Հայաստանում գործել և գնալով ավելի ակտիվանում է, իսկ Ադրբեջանի հետ կապված միայն տարածաշրջանային ծրագրեր են անում։ Ամենաշատ դրամական աջակցություն տրամադրում են Աֆրիկային։ Այս կայքում կարելի է գտնել, թե շվեդական ընկերություններն ինչ կազմակերպությունների են գումարներ հատկացնում իրենց զարգացման համագործակցությունների շրջանակներում։ Մենք նույնպես ներկայացրեցինք, թե ինչ ծրագրեր ենք իրականացրել Սիդայի տրամադրած դրամաշնորհի շրջանակներում, ինչով շատ ոգևորված ու տպավորված էին։
Երկրորդ վայրը, որտեղ եղանք Swedish Institute-ն էր, որտեղ Ադիամ Տեդրոսն ու Մարկուս Ռոմանը ներկայացրեցին, թե ինչ ծավալուն ու հետաքրքիր գործունեություն է ծավալում իրենց կազմակերպությունը։ Հիմնադիրը Մեդլին Սժոստեբթն է : Իրենք տրամադրում են կրթաթոշակներ Շվեդիայում սովորելու համար, ֆոնդեր և դրամաշնորհներ են տալիս տարբեր կրթական ծրագրերի։ Կրթությունն այստեղ բոլոր աստիճաններում անվճար է։ Հարկատուներն իրենց վճարած բարձր հարկերի շնորհիվ կարողանում են նաև երկարօրյա ու նույնիսկ գիշերային ծառայություններից օգտվել իրենց երեխաների համար՝ մինչև 6 տ երեխաների համար վճարելով սիմվոլիկ գումար։ Շվեդիան համարվում է ամենաբարձր հարկ վճարող երկրներից մեկը։ Այստեղ ամեն ինչ շատ թանկ է։ Կրթության հիմնական բաղկացուցիչներն են կրթությունը, հետազոտոտությունը և համագործակցությունը։ Իրականացնում են նաև առաջնորդական,կառավարական ծրագրեր։
Օրվա վերջին վայրը Ստոկհոլմում Հայաստանի դեսպանատունն էր։
Դեսպան Ալեքսանդր Արզումանյանը հյուրընկալեց մեր խմբին, պատմեց իրենց ծավալած գործունեության, Շվեդիայի, Դանիայի կառավարությունների վերաբերմունքի, աճող և նվազող համակրանքի մասին։ Խոսեցինք կրթական փոխանակումներից, ինձ խորհուրդ տվեց ուսումնասիրել Դանիայում մասնագիտական դպրոցը Սեբաստացի Քոլեջի հետ համագործակցային եզրերը ու ասաց, որ կօգնի ցանկացած հարցով, կաջակցի տարբեր ծրագրերի։ Դեսպանատան կողմից ստեղծվել է այստեղ հայ կանանց միություն, ովքեր հիմա երեխաների հետ միասին հեքիաթներ են թարգմանում։ Թարգմանվել են նաև այնպիսի գրողների պատմվածքներ, ինչպիսիք են Հրանտ Մաթևոսյանն ու Վանո Սիրադեղյանը։ Մեզ խորհուրդ տվեցին ուսումնասիրել նաև Շվեդական արհմիությունների գործունեությունն ու գրանցած հաջողությունները։
Հետաքրքրական է, որ Շվեդիայում նախարարություններին կից գործում են մասնագետների գործակալություններ։ Նախարարության կողմից տրվում է հանձնարարությունը, բայց կատարելու ձևի մեջ մասնագետներն ազատ են ու նախարարությունը չի կարող հանձնարարել, թե ինչպես անեն:
Նախագծի նպատակը- Բատիկի ուսուցում, դրա կիրառումը կտորի, շապիկի, պայուսակի վրա:
Նախագծի ընթացքում ստեղծելու ենք աշխատարններ նոր մասագետի հետ: Համագործակցության արդյունքում սովորողները ձեռք կբերեն նոր հմտություններ, կստանանք աշխատանքեր որոնք կներկայացվեն ցուցահանդես-վաճառքին: Նախագիծը իրականացնելու ենք նկարիչ-դիզայներ Դիանա Գրիգորյանի հետ: Նախագծի տևողությունը 1-2 ամիս է լինելու, շաբաթական երկու հանդիպում երկու ժամով: Մասնագետը կկիսվի իր փորձով քոլեջի ուսանողների, նաև՝ ուսուցիչների և համայնքի բնակիչների հետ, այսպիսով ապահովելով շարունակական կապը կրթահամալիրի հետ:
Նախագծի ժամանակ մասնակիցները սովորում են կատարել ինքնուրույն էսքիզ իր ընտրած թեմայով, ընտրում են գունային գամման և ճիշտ կոմպոզիցիոն ձևով տեղադրում իրենց ընտրած իրի վրա (շապիկ,պայուսակ,վերնաշապիկ և այլն)։Մասնակիցները սովորում են աշխատել նյութերով (ներկ,ռեզերվ) և աշխատանքը ավարտելուց հետո տեխնելոգիապես ճիշտ եղանակով մշակել ստեղծագործական աշխատանքը։
Լուսանկարչական աշխատարանի նպատակն է սեբաստացիական համայնքի և բնակչության համար ստեղծել հանդիպումների շարք, որոնց ընթացքում մասնակիցները կզարգացնեն իրենց մասնագիտական կարողությունները, ստեղծագործական հմտությունները, ձեռք կբերեն պատկերային ստեղծական բովանդակություներ կառուցելու գիտելիքներ: Լուսանկարչական աշխատարանի բանախոսն է Կարին Գրիգորյանը: Աշխատարանի նկարագիրը՝
Հանդիպում առաջին Խորագիր. Լուսանկարչություն. իմ սեր, իմ ցավ Հանդիպման ընթացքում կքննարկվեն լուսանկարչության հիմնային հարցերը, լուսանկարի/պատկերի տարբեր հաստատված սահմանումները, կբացահայտենք լուսանկարչությունը որպես պատկերի ստեղծման տեխնոլոգիա:
Հանդիպում երկրորդ Խորագիր. Լուսանկարչություն. պատկերի ուժը Հանդիպման ընթացքում կքննարկվեն պատկերի՝ մեր երկու տարբեր ընկալումները, պատկերի ու իրականության առերեսումը, պատկերը՝ որպես անձնական տպավորություն այլոց փոխանցելու ջանք եւ դրա ներուժը:
Հանդիպման ավարտին քննարկման կառաջադրվի 1 պատմական վիճարկելի լուսանկար:
Հանդիպում երրորդ. առցանց
Հանդիպման ընթացքում կքննարկվեն եւ կամփոփվեն տվյալ լուսանկարի վերաբերյալ մասնակիցների կատարած համացանցային հետազոտությունը եւ կհիշենք նախորդ երկու հանդիպման ընթացքում լուսանկարչության/պատկերի վերաբերյալ հնչած հիմնական դրույթները:
Ռեզյումե գրելու և աշխատանքի ընդունման հարցազրույց անցնելու հմտությունների զարգացում
Լավ աշխատանք գտնելը սկսվում է լավ ռեզյումե գրելուց, որը խոսում է մարդու անձնային ու մասնագիտական ուժեղ կողմերի մասին։ Այս դասընթացի նպատակն է սովորեցնել, թե ինչպես գրել տարբերվող ռեզյումե, որը կգրավի գործատուների ուշադրությունը ։
Ուսումնասիրել, թե ինչպես ներկայացնել փորձը ռեզյումեի մեջ,
Բացահայտել թե ինչ ֆորմատով ներկայացնել ուսման և փորձի մասին տեղեկատվությունը,
Բացահայտել, թե որ դեպքում է անհրաժեշտ կիրառել «ավանդական», երբ «ստեղծարար» ռեզյումե,
Բացահայել, թե ինչպես լրացնել փորձի պակասը ռեզյումեի մեջ,
Սովորել հարցազրույցի ներկայանալու հիմնական սկզբունքները,
Կարողանալ ճիշտ ներկայանալ հարցազրույցին,
Բացահայտել, թե ինչ կարելի է անել աշխատանք փնտրելու գործընթացում սխալներից խուսափելու համար։
Դասընթացը նախատեսված է բարձր դասարանների աշակերտների, ուսանողների համար, ինչպես նաև այն ծնողների համար, ովքեր պատրաստվում են վերադառնալ աշխատաշուկա՝ հղիության և ծննդաբերության կամ երեխայի խնամքի արձակուրդից հետո կամ ցանկանում են փոխել աշխատանքը։
Դասընթացի տևողությունը 6 ժամ է (2 հանդիպում), ներառում է տեսական նյութեր, գործնական վարժություններ, իրավիճակների քննարկումներ, տեսանյութեր, դերային խաղեր, թիմային աշխատանք։
Դասընթացի օր | ժամ – 16.10.2021, 23.10.2021 | 11:00
Մասնակիցներ՝
Հիմնական թիրախային հատվածը 20-45 տ հետաքրքրված անհատներ են, ովքեր ունեն ցանկություն սովորելու, նոր գիտելիքներ ձեռք բերելու, աշխատելու, իսկ շահառուներ են կրթահամալիրի սովորողները, ովքեր 15-18 տ են։ Յուրաքանչյուր աշխատարանի կարող է մասնակցել առավելագույնը 15 մասնակից՝ 5 սովորող, 10 համայնքի բնակիչ։ Եվ թիրախային խմբի, և՛ շահառուների դեպքում սեռը կապ չունի։ Աշխատարանները կլուսաբանվեն, կտեղադրվեն սոց․կայքերում, Կրթահամալիրի և Հիմնադրամի կայքէջում, որը կունենա մոտ 1000 և ավել դիտում մեկ տարվա ընթացքում։
Դասընթացի տևողություն. 2 ամիս, շաբաթական 2 պարապմուք՝ յուրաքանչյուր պարապմունքը 2 ժամ: Նպատակը Այս ծրագիրն ուղղված է օգնելու դասընթացի մասնակիցներին ձեռք բերել նոր մասնագիտություն, որը կօգնի իրացնել իրենց աճեցրած բույսը թաղարով իրացնել ցուցահանդես-վաճառքի, ինչպես նաև առցանց վաճառքի միջոցով): Անհրաժեշտ նյութեր Տարբեր տեսակի փափուկ թղթեր, թանզիվ պլստիկե տարաներ տարբեր չափերի, սոսինձ՝ պվեա, հարթաթուղթ, ավտոներկեր, սիլիկոնի ատրծանակներ, սիլիկոններ, տաքացուցիչ թաղարներին անցքեր անելու համար թանձրատերևուկ բույսեր: Թիրախային խումբ Կարող են ներառվել 16-45 տարիքի անձինք: Արդյունք նախագծի մեջ ներառված անդամները արդյունքում կտիրապետեն բույսերի խնամքին, աճեցմանը, բազմացմանը վերաբերող նրբություններին և գաղտնիքներին, ձեռք կբերեն մասնագիտական կարողություններ և հմտություններ՝ բույսերի բազմացում սերմերով, տերևներով, ճուտիկներով, կտրոններով Լրացուցիչ թեմա Նորաձև կրեատիվ թաղարների պատրաստում և ձևավորում: Արդյունք Այս ծրագիրն ուղղված է օգնելու դասընթացի մասնակիցներին պատրաստի բույսը թաղարով, մասնավորապես տարոսիկների տեսքով, վաճառքի կազմակերպմանը( ցուցահանդես-վաճառքի, ինչպես նաև առցանց վաճառքի միջոցով): Անհրաժեշտ նյութեր՝ տարբեր տեսակի փափուկ թղթեր, թանզիվ պլստիկե տարաներ տարբեր չափերի, սոսինձ՝ պվեա, հարթաթուղթ, ավտոներկեր, սիլիկոնի ատրճանակներ, սիլիկոններ, տաքացուցիչ թաղարներին անցքեր անելու համար թանձրատերևուկ բույսեր: Նյութածախս 61500 դրամ Թիրախային խումբ Կարող են ներառվել 16-45 տարիքի անձինք: Ամփոփումները աշխատարանի կազմակերպիչ Շողիկ Պողոսյանի բլոգում։ «Ծաղկագործություն» աշխատարան Աշխատարանի մասնակիցներն օր-օրի համալրվում են «Ծաղկագործություն» աշխատարանի այս շաբաթվա քրոնիկոնը «Բոնսայ»ը՝ գործնական աշխատանքի թեմա Բնագիտության լաբորատորիան բոլորի համար է
Ծրագիրն իրականացվում է <<Սեբաստացիներ>> կրթական հիմնադրամի կողմից <<Աջակցություն քաղաքացիական հասարակությանը՝ հանուն բարեփոխումների վրա ներգործության>> ծրագրի շրջանակներում։ <<Աջակցություն քաղաքացիական հասարակությանը՝ հանուն բարեփոխումների վրա ներգործության>> ծրագիրն իրականացվում է Եվրասիա համագործակցության հիմնադրամի կողմից Շվեդիայի միջազգային զարգացման գործակալության, Սիդայի աջակցությամբ։
Ծրագրի շրջանակներում ստեղծվում են աշխատարաններ, որոնք օգնում են քաղաքացիներին ինտեգրվել ներկայիս աշխատաշուկայում, զարգացնել կամ ձեռք բերել հմտություններ։ Դասընթացին կարող են մասնակցել բոլորը։ Դասընթացն անվճար է, ուղղված է ամրապնդելու ուսումնական հաստատության և համայնքի միջև կապը։ Աշխատարանների աշխատանքները համակարգում և կատարում են <<Մխիթար Սեբաստացի Կրթահալիրի>> Պետական Քոլեջի դասավանդողներն ու ուսանողները, հրավիրված մասնագետները։
<<Գործարար հաղորդակցման հմտություններ>> աշխատարանի հետ կապված հարցեր առաջանալու դեպքում կարող եք գրել ինձ yelena.ohanyan@mskh.am էլեկտրոնային հասցեով կամ զանգահարել +374 77 832 536 հեռախոսահամարով (Ելենա Օհանյան — <<Գործարար հաղորդակցման հմտություններ>> աշխատարանի համակարգող)։
Նախագծի նպատակը․ ամրապնդել համայնքի և ուսումնական հաստատության միջև կապը, քաղաքացիներին ներկայացնել և սովորեցնել կիրառել հաղորդակցման համար անհրաժեշտ հմտությունները, զարգացնել դրանք։ Աշխատարանին մասնակցել ցանկացողները պետք է լրացնեն հայտը։
Աշխատարանի կառուցվածքը․
Թեմա
Ժամաքանակ
1․ Հաղորդակցում․ ի՞նչ, ինչու՞, ինչպե՞ս։
4 ժամ
2․ Խոսքային և ոչ խոսքային հաղորդակցում։
4 ժամ
3․ Լսելու հմտություններ։
2 ժամ
4․ Ինքնաներկայացում։
2 ժամ
5․ Կոնֆլիկտների կառավարում։
4 ժամ
6․ Թիմային աշխատանք։
2 ժամ
7․ Գործնական հաղորդակցման առանձնահատկություններ։
2 ժամ
Աշխատարանը վարելու է Լուսինե Աղաբեկյանը։ Լուսինեն մասնագիտությամբ հոգեբան է, ունի երկար տարիների որակավորված փորձ ոլորտում։ Աշխատանքային փորձին կարող եք ծանոթանալ անցնելով հղումով։